Ga naar hoofdinhoud
Samstag,02.03.2024Wir haben heute nicht geöffnet.Telefonisch erreichen Sie den ärztlichen Bereitschaftsdienst:116117

Wi seggt dat kloor rut:
Spreekstünn för junge Deerns in’t Deernicum

Leve Deerns twüschen 12 un 18,

Nu mal ehrlich: Alleen an den eersten Termin bi den Froensdokter to denken – dat is vele Deerns en beten schenant. Keen Wunner, denn ji weet ja ok nich, wat op jo to kümmt. Wi verstaht dat sehr goot – man ji mööt gor nich eerst bang ween. Denn eenmal nehmt wi jo un joon Sorgen eernst, un denn is dor würklich nich veel an. Wi vun’t Deernicum seggt dat to.

Dat ji mit en beter Geföhl na uns hen kaamt, dorför verkloort wi hier Stück för Stück, wat bi den Froensdokter op jo tokümmt.

Kloor: In’t Deernicum snackt wi mit di so, dat du allens versteihst. Schull di liekers mal en Frömdwoort ut de Froensmedizin in de Mööt kamen, dat du noch nich kennst, denn kannst du nakieken in uns Wöörlist.

Överhaupt: Wenn nix drückt oder weh deit, köönt ji dat eerste Maal in’t Deernicum ok as reine Spreek-Stünn beleven. Un dor mütt denn ok nix ünnersöcht warrn. So köönt ji allens ganz sinnig un kommodig kennen lehren.

Wi freit uns op jo!

Euer Doc, Dr. Thorsten Maas und das Team vom Deernicum

Alles über den Besuch im Deernicum

Wannehr schull een dat eerste Maal na en Froensdokter hen?

Dat is ganz eenfach: Wenn ji dat sülvst wüllt. Anners is dat, wenn hier oder dor wat drücken deit un dat keen anner as de Froensdokter nakieken kann.

Wegen wat schull ik na den Gynäkoloog hen?

  • Wenn ik weten will, woans sik mien Liev entwickelt
  • Wenn de Regel weh deit, wenn se mal so, mal so is oder ganz wegblifft
  • Wenn du al 16 büst un de Regel jümmers noch nich dor is
  • Wenn dor Sliem mit rutkümmt, wenn dat weh deit oder ünnen rüm jöken deit
  • Wenn du wat över Sexualität weten wullt un wat man doon kann, dat keen Kind kümmt
  • Wenn dat in de Bost weh deit
  • Wenn du di gegen Gebärmudderhalskreevt impfen laten wullt

Dat is uns Raatslag: Op jeden Fall vör den eersten Geschlechtsverkehr warrt dat Tiet, in Vertroen mit en Froensdokter to snacken – he kann seggen, wat man maken kann, dat nich glieks en Kind kümmt, un woans man för Krankheiten oppassen kann, de sexuell överdragen warrt.

Wat kann ik doon, ehrdat ik na den Dokter hen gah?

Jüst för de eersten Malen bi en Froensdokter hölpt dat, wenn een sik op den Termin vörbereiten deit. Denn büst du nich so opgereegt, un du hest dat gode Geföhl: Du hest allens in’n Griff.

In’t Deernicum (as bi all de annern Praxen vun Froensdokters ok) stellt wi di en poor Fragen. Wi hebbt hier de wichtigsten afdruckt. Lees di dat dör un schriev di dor wat to op – so kann dien Termin so aflopen, as du di dat vörstellst.

Für deine Notizen kannst du dir unser PDF (rechts) ausdrucken. Da stehen schon alle Fragen drin.

» Wo oolt büst du? Wo groot büst du? Wat wiggst du?
» Deit di wat weh? Wenn ja, wat?
» Hest du Krankheiten? Wenn ja, wat sünd dat för welk?
» Nimmst du Dag för Dag (oder so) Medizin? Wenn ja, wat?
» Sünd Lüüd ut dien Familie krank? Wenn ja, wat hebbt se?

» Hest du al diene Regel? Wenn ja, wannehr is dat losgahn?
» Wannehr hest du dat letzte Mal diene Regel hatt?
» Deit di wat weh oder hest du annern Kummer in de Regel? Wenn ja, wat genau is dat?

» Hest du al Geschlechtsverkehr hatt?
» Wenn ja, hett di dorbi wat weh daan?

» Smöökst du? Drinkst du Alkohol? Wenn ja, wo veel?

Wichtig is, dat du op all düsse Fragen ehrlich Antwoort geven deist. Blots so köönt wi uns op best för die insetten un di hölpen, schull dat nödig warrn.

Ok dat: Wenn du 16 büst, gellt för all Dokers: Se dröfft de Öllern nix wiederseggen. Du kannst uns also heel un deel vertroen un mit uns över alle Saken free rut snacken.

Wat löppt genau af, wenn du bi’t Deernicum büst?

Wenn du na’t Deernicum kümmst, kriggst du eerstmal en Fraagbagen. Den kannst du utfüllen in de Tiet, in de du töven müttst. Achteran geiht dat na den Dokter rin. Un keen Bang: De Dokter ünnersöcht di noch nich foorts. Eerst snackt he mit di un du lehrst em kennen – hier kannst du glieks wichtige Fragen loswarrn.

Wenn wi uns enig sünd: Ja, wi wüllt di ünnersöken, treckst du di eerstmal ünnenrüm ut, ganz för di alleen un achter en Oort Vörhang.

Tipp: Vele Deerns un Froenslüüd möögt dat lever, wenn se en lange T-Shirt oder en Rock anhebbt. Se meent denn, se föhlt sik bi’t Ünnersöken nich so naakt.

Kann goot ween un du büst en beten bang, dat du nu op den gynäkologischen Stohl ünnersöcht warrn schasst. Aver maak di bidde kloor: De Dokter ünnersöcht Froens siet Johr un Dag, för em is dat so normaal as man wat. Wenn du dor an denken deist, is dat villicht gor nich so schenant.

Un so löppt dat Ünnersöken af

» Afstreek-Ünnersöken
För den Afstreek warrt dat Spekulum – dat is en Instrument ut Metall, dat utsüht as en Aantensnavel, in de Scheed rinschaven. Is de Jungfernhuut noch dor, warrt se nich verletzt. Mit en lütten Wattestock nimmt de Dokter Sliem un Zellen vun den Gebärmudderhals un den Muddermund af; in’t Labor warrt de ünnersöcht. So kriggt man rut, wat de Hormone all dor sünd un wat de Zellen ok gesund sünd.

» Ünnersöken mit Aftasten
Bi dat Aftasten stickt de Dokter een oder twee Finger in de Scheed rin. Mit de anner Hand tast he dör de Buukdeek dör de Blaas, de Gebärmudder un de Eierstöck af.

» Ünnersöken mit Ultraschall
Mit Ultraschall warrt – dör de Scheed dör – de Organe ünnersöcht, de in dat lütte Becken liggt. Över en Vaginalsond, dat is en Stock, de as en Zylinner utsüht un baven rund is, kann de Dokter op den Bildschirm sehn, wat bi de Gebärmudder un de Eierstöck allens goot is. Wenn du noch Jungfro büst, ünnersöökt wi mit Ultraschall dör de Buukdeek dör.

» Ünnersöken vun de Bost
Wenn du vun den gynäkologischen Stohl wedder daal büst, kann de Dokter, wenn dat nödig is, dien Bost noch na Knütten aftasten.

Sühst woll: Vör den Froensdokter mütt keeneen bang ween.

Impf-Spreekstünn för junge Deerns

In’t Deernicum vertellt wi jo geern allens to de Schutzimpfungen, de dat geven deit – un wi maakt jüm ok: Wi impft jo gegen Röteln, Masseln, Mumps un Tetanus.

Ganz baven steiht dat Impfen gegen HPV, dat sünd Humanen Papilloma-Viren. So köönt ji ganz eenfach dor wat gegen doon, dat ji Gebärmudderhalskreevt kriegt. An’n besten: Ji laat jo impfen so fröh as dat man geiht – op jeden Fall vör den eersten Geschlechtsverkehr.

Dat is nee: De Impfkomischoon vun dat Robert-Koch-Institut seggt nu: Deerns vun 9 Johr an schullen sik gegen HPV impfen laten. Bi Deerns bet 18 köst dat nix.

Das sagen unsere Deerns

Mit 13 war ich zum ersten Mal beim Doc. Ich weiß noch, ich hatte ganz schön Bammel. Aber die Arzthelferinnen waren total lieb und die Atmosphäre war so entspannt, dass ich mich dann sogar fast wohl gefühlt habe.

Ich dachte vorher immer, die Untersuchung würde bestimmt wehtun. Aber als es dann soweit war, hab ich kaum was gespürt. Der Doc war echt vorsichtig und hat außerdem viel mit mir geredet – so hatte ich gar keine Zeit, Angst zu haben.

Hier sind alle so nett und cool, ich vergesse fast, dass das hier eine Arztpraxis ist.

Ich find’s toll, dass sich der Doktor so viel Zeit zum Reden nimmt. Ich konnte ganz offen mit ihm sprechen, als ich die Pille wollte und viele Fragen dazu hatte.

Heute war mein erstes Mal beim Frauenarzt. Es war gar nicht schlimm. Alle haben sich ganz lieb um mich gekümmert. Und die Untersuchung hat auch nicht wehgetan.

Ich gehe schon seit 6 Jahren ins Deernicum und bin nie auf die Idee gekommen, mal den Frauenarzt zu wechseln. Mehr muss ich ja wohl nicht sagen, oder?

Deernicum - die gynäkologische Praxis von Dr. Thorsten Maas - der Frauenarzt Ihres Vertrauens in der Region Büdelsdorf, Kiel, Hamburg, Rendsburg, Eckernförde - ist Mitglied im Berufsverband der Frauenärzte